Иргэний хэрэг шүүхэд хянан шийдвэрлэх тухай хуулийн 129 дүгээр зүйлийн 129.1-д заасан арга хэмжээ авахуулах хүсэлт шийдвэрлэсэн тухай

Шүүхийн нэр: Хан-Уул дүүргийн Иргэний хэргийн анхан шатны шүүх

Шүүгчийн захирамжийн огноо, дугаар: 2024 оны 6 сарын 26-ны өдрийн

Дугаар 183/ШЗ2024/14661

Тоймын дугаар:№03, огноо: 2024.06.26

Захирамжийн төлөв: Хүчин төгөлдөр болсон

Санамж: Энэхүү тойм нь шүүхийн шийдвэр биш бөгөөд түүнийг орлохгүй, зөвхөн олон нийтэд ойлгомжтой байдлаар мэдээлэл хүргэх зорилготой болохыг тэмдэглэв.

            Агуулга: Нэхэмжлэгч А нь хариуцагч С-д холбогдуулан Хүүхдийн асрамж өөрчлүүлэх нэхэмжлэлийг шүүхэд гаргасан.

Нэхэмжлэгч нь хариуцагч С нь хүүхдүүдийг асран хамгаалах үүргээ биелүүлэхгүй, хүүхдүүдийг эрсдэл бүхий байдалд байлгаж байгаа талаар тайлбар гаргаж, хуульд зааснаар хэргийг шийдвэрлэтэл хүүхдийн асрамжийг өөр дээрээ байлгах арга хэмжээ авахуулах хүсэлтийг гаргасан байна.

Хуульд зааснаар шүүгч шаардлагатай гэж үзсэн тохиолдолд дээрх арга хэмжээнүүдээс авахаар хуульчилсан байх ба уг арга хэмжээг авахад талуудын хүсэлт зайлшгүй шаардлагатай гэж шүүх үзээгүй болно.

  Харин уг арга хэмжээг зайлшгүй авах шаардлага үүссэн талаарх баримтыг үндэслэж, шүүхээс уг арга хэмжээнүүдээс авах боломжтойг тайлбарласан захирамжийг гаргасан байна.

 Тоймыг бэлтгэсэн: Хан-Уул дүүргийн Иргэний хэргийн анхан шатны шүүхийн шүүгч Б.Мөнхжаргал