Баянгол, Хан-Уул дүүргийн Иргэний хэргийн анхан шатны шүүхийн Тамгын газраас 2023 оны 05 дугаар сарын 20-ны өдөр Шүүхийн ерөнхий зөвлөлийн Баяндөхөм сургалтын төвд шүүхийн захиргааны ажилтнуудад зориулан ээлжит сургалтыг зохион байгуулав.

Сургалтад Шүүхийн ерөнхий зөвлөлийн Мэдээллийн технологийн газрын хэргийн хөдөлгөөн хариуцсан референт Б.Батцэцэг “Хэргийн хөдөлгөөний нийтлэг аргачлал” сэдвээр, Шүүхийн захиргааны хүний нөөцийн газрын Сэтгэл зүйч-судлаач Т.Энхгэрэл “Ажлаас халшрах хам шинж” сэдвээр тус тус сургалт орж, оролцогчдын асуултад хариулж, мэргэжил, арга зүйн заавар зөвлөгөө өглөө.

Тамгын газрын дарга Д.Болор сургалтын үйл ажиллагааг нээж хэлсэн үгэндээ “...Энэ удаагын сургалт  нь  “Ажлаас халшрах хам шинж, тэдгээрийг даван туулах арга зам”, “Иргэний хэргийн хөдөлгөөний нийтлэг аргачлал” сэдвүүдээр явагдана. Та бүхэн сургалтаар олж авсан мэдлэг, мэдээллээ өөрсдийн ажил, мэргэшлийн ур чадвартаа бүтээлчээр тусган хэрэгжүүлээрэй. Та бүхэнд амжилт хүсье...” гэв.

Шүүхийн захиргааны ажилтнууд сургалтын үр дүнд сэтгэл хангалуун байгаагаа илэрхийлж, цаашид хэрэгцээ, шаардлагатай сэвдүүдээр сургалт авах хүсэлтэй тухайгаа хэлж байв.