Шүүхийн нэр: Хан-Уул дүүргийн Иргэний хэргийн анхан шатны шүүх,

Шүүхийн захирамжийн огноо, дугаар: 2023 оны 01 сарын 30-ны өдрийн 183/ШЗ2023/02238,

Тоймын дугаар-02, огноо: 2023 оны 02 сарын 14-ний өдөр,

Шийдвэрийн төлөв: Хүчин төгөлдөр болсон,

  Б нь Т-д холбогдуулан худалдах, худалдан авах гэрээний үүрэгт 23.000.000 төгрөг гаргуулах тухай нэхэмжлэлийг шүүхэд гаргажээ. 

   Шүүх 2022 оны 10 дугаар сарын 27-ны өдөр хариуцагч Т-д хэрэг хянан шийдвэрлэх ажиллагаанд эдлэх эрх, үүргийг тайлбарлан өгч нэхэмжлэлийн хувийг гардуулсан байна.

  Хуульд зааснаар, нэхэмжлэлийн хувийг гардан авсан хариуцагч нь 14 хоногийн дотор нэхэмжлэлийн шаардлагыг зөвшөөрсөн, эсвэл татгалзсан үндэслэл, тайлбар, түүнийг нотлох баримтаа шүүхэд ирүүлэх үүрэгтэй, ийнхүү хуульд заасан хугацаанд тайлбар, татгалзлаа ирүүлээгүй нь нэхэмжлэлийн шаардлагыг хүлээн зөвшөөрсөн гэж үзэх үндэслэл болно.

   Хариуцагч Т нь 14 хоногийн хугацаанд хариу тайлбараа ирүүлээгүй тул шүүхээс хэргийг шүүх хуралдаанаар хэлэлцүүлэхээр шийдвэрлэж, шүүх хуралдааны товыг хариуцагчид мэдэгдсэн боловч тэрээр хүндэтгэн үзэх шалтгаангүйгээр хуралдаанд ирээгүй байна.

  Иргэний хэрэг шүүхэд хянан шийдвэрлэх тухай хуульд зааснаар хариуцагч нь хэргийн материалтай танилцах эрхтэй, хариуцагч Т нь  шүүх хуралдаанаар хэлэлцүүлэх тухай шүүгчийн захирамж гарснаас хойш хэргийн материалтай танилцаагүй байх тул энэхүү эрхийг нь эдлүүлэх, мэтгэлцэх эрхийг нь хангах үүднээс шүүгч шүүх хуралдааныг хойшлуулж шийдвэрлэв.

Санамж:

 Энэ хураангуй нь бүрэн гүйцэд шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой болно.

Хураангуй бэлтгэсэн: Хан-Уул дүүргийн Иргэний хэргийн анхан шатны шүүхийн шүүгч Д.Мөнгөнтуул