2022.12.12                                                                                                                           Улаанбаатар хот

Баянгол, Хан-Уул дүүргийн Иргэний хэргийн анхан шатны шүүхийн Тамгын газар нь Анхан болон давж заалдах шатны шүүхийн Тамгын газрын үйл ажиллагааны нийтлэг журмын 11 дүгээр зүйлийн 11.2-т заасны дагуу гүйцэтгэлийн төлөвлөгөөний биелэлтийн бүтэн жилийн тайланг 2022 оны 12 дугаар сарын 12-ны өдөр Хан-Уул дүүргийн Иргэний хэргийн анхан шатны шүүхийн шүүгчдийн зөвлөгөөнд танилцуулж, Шүүхийн ерөнхий зөвлөлд хүргүүлэхээр шийдвэрлэв.

Тус Хан-Уул дүүргийн Иргэний хэргийн анхан шатны шүүх нь 2022 онд нийт 10 шүүгчийн бүрэлдэхүүнтэйгээр шүүн таслах ажиллагааг явуулж, өнөөдрийн байдлаар өмнөх оны үлдэгдэл болон шинээр хүлээж авсан нийт 7873 хэрэг нэхэмжлэлд хэрэг хянан шийдвэрлэх ажиллагаа явуулсан байна.

Үүнийг нэг шүүгчид хуваарилбал 1 жилд 787 хэрэг, нэхэмжлэл оногдож байх бөгөөд энэ нь тус шүүхийн 2020 онд хүлээн авч шийдвэрлэсэн 5516 хэрэг, нэхэмжлэл, 2021 онд хүлээн авч шийдвэрлэсэн 6566 хэрэг, нэхэмжлэлийн дундаж болох 6041 хэрэг, нэхэмжлэлтэй харьцуулахад даруй 23 хувиар өссөн үзүүлэлттэй байна. 

              Баянгол, Хан-Уул дүүргийн шүүхийн Тамгын газар